Me mbylljen e raundit të 1/8-ave të këtij Europiani, UEFA ka publikuar dje të gjithë situatën me kartonët, lidhur me 8 përfaqësueset që kanë mbetur ende në lojë për trofeun.
Ajo që bie në sy është se i vetmi që do të vuajë për skualifikim këto çerekfinale do të jetë kosovari dhe kapiteni i Zvicrës, Granit Xhaka, ndërsa në pritje të duelit me Spanjën helvetët e tjerë që rrezikojnë në rast kartoni, nëse avancojnë më tej, janë Akanzhi, Elvedi, Embolo, Gavranoviç, Mbabu, Rodrigez e Shar.
Ndërkohë, duke mbetur te sfida Belgjikë-Itali, të dyja këto kombëtare kanë 3 lojtarë në rrezik: Aldervaireld, Vermalen e Torgan Hazard për “Djajtë” dhe Barela, Di Lorenco e Pesina te të kaltrit. Ndërkohë, lista e plotë me të rrezikuarit është në tabelë…
