Pas fitores në stadiumin “ Air Albania” përball meksikanit Miguel Parra, boksieri Florian Marku u nderua sot nga kryeministri Edi Rama me medaljen “Ylli i Madh i Mirënjohjes”. Në ceremoninë e zhvilluar ai tha se, dëgjon nga njerëzit se nuk e meritonte këtë ceremoni, duke shtuar se ka shumë që e paragjykojmë dhe rrëfeu vështirësitë e tij. Teksa tregoi rrugën dhe sakrificat për të arritur aty ku është sot, Marku tha se bindje se asgjë nuk është fat në jetë dhe në ardhmen ai do t’i sjellë më shumë Shqipërisë.
“Unë nuk vij nga një familje e pasur. Prindërit e mi kanë punuar punë krahu. Nëna ime ka punuar edhe pastruese. I kam thënë dëgjo moj nënë dhe ti s’ke për të punuar më kurrë sa të jetë djali jot gjallë. Vitet kaluan dhe ajo s’ka nevojë të punojë më.
Njerëzit mendojnë se është fat. Ia kam nisur karrierën në Greqi. Nuk e kam hedhur kurrë poshtë flamurin shqiptar. Kam pasur shumë opsione. I kam operuar duart 5 herë. Njerëzit mendojnë s është fat. E kam pasur ëndërr. Kur kam qenë në Greqi isha p letra. E vetmja mundësi që të bëjë një sport të tillë ishte kik boks. Në Sngli kam vajtur komplet rastësisht. Më mashtruan, nuk kisha as shtëpi, as makinë, asgjë. Iu thashë dua një promotor dhe kam për t’jua mbushur stadiumin plot. Dhe kështu ndodhi. Asgjë nuk është fat në jetë, duhet shumë punë.
Normalisht paragjykime kemi të gjithë. Siç më paragjykojnë edhe mua. O meritoj unë o se meritoj askush. Nuk e dini se çfarë kam kaluar në jetën time për të arritur këtu. Rinisë i them kurrë mos u dorëzoni, si sot, ja ku jam unë”, tha Marku. Ndërsa falënderoi tifozët që e kanë mbështetur prej fillimeve të tij.
Discussion about this post