Telashe për yllin e skuadrës së Bajernit të Mynihut, Lucas Hernandez. Futbollisti është dënuar me 6 muaj burg për thyerje të vazhdueshme të urdhrit të gjykatës për një ngjarje që ka ndodhur rreth 10 vite më parë.
Gjykata e Madridit ka udhëzuar futbollistin që të paraqitet në datën 19 tetor pranë gjykatës për të zgjedhur burgun ku do të shlyejë dënimin.
Një dekadë më parë në një zënkë publike me bashkëshorten e tij, Amelia, bëri që ai të dënohej për “abuzim familjar në rrugë”. Gjykata spanjolle e dënoi me 31 ditë punë publike si dhe largimin nga bashkëshortja e tij për 6 muajt e ardhshëm si masë sigurie.
Dënimi në fjalë vjen për shkak se nuk i është përgjigjur siç duhet urdhrit të gjykatës asokohe, pasi nuk kreu as punën publike. Pas shumë kohësh ka ardhur edhe vendimi përfundimtar, një telash i madh për futbollistin e Bajernit që vështirë se mund t’i shpëtojë prangave.
