Stefan De Vrij ka përfunduar në fokusin e skuadrës angleze të Tottenham. Futbollisti holandez admirohet nga ish-trajneri i tij, Antonio Konte i cili tashmë drejton ekipin londinez. Gjithsesi në një prononcim të dhënë së fundmi, mbrojtësi hedh poshtë zërat që e lidhin me një largim të mundshëm nga Interi.
“I mohoj zërat që më lidhin me kalimin te Tottenham, nuk i’a kam idenë nga kanë dalë. Lidhja është e thjeshtë, pasi trajneri me të cilin punova tek Interi është tani atje, por unë nuk di asgjë në lidhje me interesimin e tyre.
Conte nuk më ka kontaktuar fare në lidhje me kalimin tek ekipi i tij. Unë jam i përqendruar te kombëtarja, Holanda është prioriteti im në këto momente.
Më pas do të filloj të mendoj për Interin, dhe sigurisht që jo për Tottenham”, deklaroi mbrojtësi i kampionëve në fuqi të Italisë.
Discussion about this post