Jennifer Garner tregon anën e saj të butë teksa ndihmon një të pastrehë këmbëzbathur dhe madje përpiqet t’i heqë këpucët nga këmbët e saj.Amerikania Garner bëri një gjest prekës për një të pastrehë në rrugët e Los Angeles të dielën.
Aktorja 51-vjeçare u pa duke biseduar me një burrë në një karrige me rrota përpara se t’i ofronte një paketë kujdesi me sende thelbësore, në parkingun e një plazhi në Santa Monica.
Pasi ajo vuri re se ai ishte zbathur, ajo doli nga makina e saj për ta ndihmuar atë të vishte një palë çorape të ngrohta dhe madje u përpoq t’i hiqte këpucët nga këmbët e saj, shkruan Daily Mail.
Ylli i “13 Going On 30”, e cila ndau një moment dashurie me ish-bashkëshortin e saj, Ben Affleck, një ditë më parë gjithashtu i ofroi bujarisht atij ushqim dhe disa para.
Në një video të publikuar në media, ajo u pa duke biseduar me fotografin, duke kërkuar t’i blinte vetë këpucë atij pasi të sajat ishin shumë të vogla.
Pasi fotografi refuzoi pagesën dhe i ofroi këpucët e tij falas, ai gjithashtu i dha asaj një shumë modeste parash dhe një batanije për t’ia dhënë burrit.
Garner më pas u dëgjua në video duke i kërkuar që ta ndihmonte të ndryshonte rrobat e të pastrehit, për t’i veshur atij kompletin e ri.
Në video, ajo u pa gjithashtu duke ia treguar atij sendet në çantën e paketuar me kujdes dhe duke hapur një pako me ushqim para se t’ia jepte atij.
Nëna e tre fëmijëve duket se po shijonte një shëtitje në plazh dhe ishte rrugës për t’u kthyer në shtëpi, kur ndaloi për të ndihmuar burrin.
Discussion about this post