Tifozët e Kombëtares shqiptare kanë të gjithë të drejtën që të gëzohen për njërin nga beniaminët e tyre, i cili ka lënë pas krahëve, momentin e errët të dëmtimit, duke u rikthyer në stërvitje me ekipin e tij.
“Çfarë nuk të vret, të bën më të fortë”. Kjo frazë padyshim i shkon përshtat Armando Brojës, i cili pasi nuk mundi të ishte pjesë e Chelsea-t në fazën përgatitore dhe në dy ndeshjet e para të Premier Leagues, teksa së fundmi i është bashkuar bluve të Londrës në seancën stërvitore.
Lojtari me origjinë nga veriu i Shqipërisë, ka mundësinë që të stërvitet normalisht me pjesën tjetër të skuadrës për të qenë gati për ndeshjen e radhës së klubit anglez.
Chelsea do të ndeshet me Luton Town-in në datën 25, kur mund të vijë edhe aktivizimi i parë i Brojës për këtë sezon.
Discussion about this post