Futbollisti francez, kapiten i Realit të Madridit, Karim Benzema nuk po shfaq, këtë sezon, formën që tregoi gjatë vitit të kaluar.
Ai ka shënuar për herë të fundit në La Liga në 22 janar, duke lënë të zhgënjyer Carlo Ancelottin.
Sipas raportimeve nga “AS” dhe “Diario Relevo”, trajneri italian është befasuar nga qëndrimi i fituesit të Topit të Artë.
Mëndja e Benzemasë duket se është tjetërkund, pasi po shfaqet i papërqendruar në fushën e lojës.
Situata e tij po shqetëson klubin madrilen, i cili po fillon të mendojë për të gjetur zëvendësuesin e tij në “Santiago Bernabeu”.
Zërat që flasin për një interesim të Håland apo dhe insistimi (më shumë i mediave) për të afruar në Madrid edhe Kylian Mbappe mund të jenë faktor i shpërqendrimit të Benzema.
Nuk duhet nënvlerësuar as një afrim i mundshëm, edhe pse i vështirë, i Dushan Vlahoviç.
Discussion about this post