Ambasadorja amerikane, Yuri Kim në konferencën “drejtësi në kohë sfidash”, u shpreh se reforma në drejtësi do të jetë e suksesshme kur të mos ketë më gjyqtarë e prokurorë të korruptuar në sistem. Kim tha edhe se do të quhet e tillë kjo reformë kur politikanë të mos e quajnë prokurën atë apo këtë, duke nënkuptuar kështu deklaratat e ish-kryeministrit Berisha kundrejt Ina Ramës. Ambasadorja shtoi se populli do një drejtësi me sy të mbyllur duke u zbatuar njëlloj për të gjithë dhe se njerëzit ndiqen penalisht sepse shkelin ligjin, jo sepse janë apo jo në pushtet.
“Si do të jetë Shqipëria pasi të jetë zbatuar në Shqipëri referoma në drejtësi? Do ta quajmë të suksesshme këtë reformë kur të mos kemi gjyqtarë dhe prokurorë me sjellje në keqe në sistem. Po ashtu, do të quhet e suksesshme kur të mos mendojmë se është e përshtatshme që drejtuesit politik, ta quajnë prokuroren këtë apo atë, apo që drejtësia shërbehet vetëm kur tjetri përfundon në burg, por nuk jepet kur ana ime jepet në burg. Kjo nuk është drejtësi. Këto nuk janë standardet që do populli shqiptar për këtë reformë. Populli do një drejtësi me sy të mbyllur duke u zbatuar njëlloj për të gjithë. Njerëzit ndiqen penalisht sepse shkelin ligjin, jo sepse janë apo jo në pushtet. Ju nxis të gjithë që ta keni parasysh këtë gjë. Nuk mund të vazhdojmë me drejtësinë e së shkuarës. Drejtësia që duhet në Shqipëri duhet ajo që është në përputhje me BE-në dhe SHBA-në. Kërkesa e BE-së janë të qarta. Edhe veprimet e SHBA-ve në 31 viteve të fundit kanë treguar mbështetje. Ju nxis që të veproni!” – tha Yuri Kim.
Discussion about this post