Ambasadorja Amerikane në Shqipëri, Yuri Kim ka treguar ditën e sotme prioritetet kryesore të SHBA-së në Shqipëri, të cilat janë: demokracia, drejtësia dhe biznesi.
Kim ka folur ditën e sotme nga Asambleja e Dhomës së Tregtisë, nga ku ka prekur 3 prioritete te SHBA-së për vendin tonë. Në deklaratën e saj, tregon dëshirën për ta parë Shqipërinë më të fortë ekonomikisht. Sipas ambasadores Kim, një zhvillim ekonomik i vendit tonë do të thotë më tepër mundësi për rininë shqiptare për të qëndruar këtu. Kujtojmë se emigrimi mbetet një plagë e madhe në vendin tonë, ku kryesisht të rinjtë janë larguar për shkak të vështirësive ekonomike dhe shpresën se diçka më e mirë i pret në një vend tjetër të Europës.
Më tej, ambasadorja përmend Skavicën, si dhe memorandumin dypalësh për ekonominë. Mbetet shumë punë që duhet bërë në këtë aspekt, teksa i bëhet thirrje qeverisë t’i japë përparësi klimës së biznesit.
Ndër të tjera, Yuri Kim pohon se reforma në drejtësi duhet të çohet deri në fund ku konkurrenca e ndershme duhet të jetë parësore që të gjithë investitorët të luajnë me të njëjtat rregulla të drejta dhe transparence.
