Ambasadorja e SHBA në Tiranë, Yuri Kim, ka reaguar pas betimit të qeverisë “Rama 3” përpara presidentit Ilir Meta. Kim e ka konsideruar si një mandat historik dhe ka përgëzuar kryeministrin Rama.
Më tej, ambasadorja shkruan se SHBA është në gatishmëri të plotë të punojë për të forcuar demokracinë dhe klimën e biznesit në Shqipëri.
“Urime Kryeministrit Edi Rama për fillimin zyrtarisht të mandatit të tretë historik. Pres të punoj intensivisht për të forcuar demokracinë, mbrojtjen dhe biznesin. Urime dhe suksese!”, shkruan Kim.
Më herët dhe prezenca e OSBE në Shqipëri, ambasadori i BE, Luigi Soreca dhe Komisioneri për Zgjerimin, Oliver Varhelyi, uruan qeverinë për mandatin e tretë.
