Ambasadorja amerikane Yuri Kim ka zbardhur detaje nga takimi që zhvilloi në Kryesinë e Kuvendit me kreun e grupit parlamentar të PS, Taulant Ballën, një ditë pas takimit me Enkelejd Alibeajn.
Në takimin që zhvilloi për rreth 40 minuta me Ballën, Kim shkruan në Twitter se kanë diskutuar për Reformën në Drejtësi dhe rritjen e bashkëpunimit mes dy vendeve.
“U takova me kreun e grupit parlamentar të PS-së, Taulant Balla për të diskutuar për rritjen e bashkëpunimit gjatë kremtimit të njëqindvjetorit të marrëdhënieve mes dy vendeve tona; Theksuam nevojën e vazhdimit të zbatimit të reformës në drejtësi, e cila mbështetet nga SHBA, e nevojshme që Shqipëria të bashkohet në BE, duke respektuar rolin institucional të Parlamentit”, shkruan Kim.
Discussion about this post