Pas shpalljes së moskompetencës nga Gjykata e Lartë, do të jetë Gjykata e Korçës kompetente për marrjen në shqyrtim të çështjes së “të fortit të Çoles”, Myrteza Çaushit. Vendimi është marrë një ditë më parë nga Gjykata e Lartë në Dhomë Këshillimi.
Ish-kreu i bandës së Vlorës në ’97, Myrteza (Zani) Çaushi ka bërë kërkesë për përllogaritjen e ditëve të vuajtjes së dënimit në burg, duke kërkuar ulje të ditëve të burgimit. Ai kundërshtoi disa vendime të Gjykatës së Matit, që i kanë rrëzuar kërkesën për ulje të dënimit. Zani Çaushi është i dënuar me burg të përjetshëm, por kërkon një përllogaritjeve të ditëve që ka vuajtur në burg teksa prej vitesh tashmë është në burgun e sigurisë së Lartë në Drenovë.
Sipas ligjit, nëse koha e qëndrimit në burg përllogaritet e plotë, Zani Çaushit i lind e drejta për të kërkuar lirim me kusht.
Discussion about this post