Policia ka zbardhur dinamikën e plagosjes me armë zjarri të Dedë Pllanajt mbrëmjen e djeshme në një pikë karburanti në aksin Shkodër-Koplik. Mësohet se 60-vjeçari ishte në punë si çdo mbrëmje, ndërsa një person i cili lëvizte me motor, i është afruar, ka zbritur nga motomjeti dhe ka qëlluar 8 herë me pistoletë në drejtim të Pllanajt. 60-vjeçarin e kanë kapur 6 plumba në pjesë të ndryshme të trupit.
Menjëherë pas ngjarjes, autori ka hipur në motor dhe është larguar në drejtim të Koplikut. Në atë aks janë me dhjetëra rrugë dytësore fshatrash duke i dhënë shumë mundësi autorit për t’u fshehur. Ndërkohë policia ka sekuestruar kamerat e sigurisë të karburantit ku ndodhi plagosja për të parë të gjithë dinamikën e ngjarjes. Gjithashtu po sekuestrohen edhe kamerat e subjekteve përgjatë aksit Shkodër-Koplik, pavarësisht se janë të pakta.
Policia ka dyshime se autori është vrasës me pagesë, ndërkohë që po vijon punën për identifikimin, gjetjen dhe kapjen e autorit të dyshuar të plagosjes së Dedë Planit. Pas plagosjes, Dedë Pllanaj është dërguar me urgjencë në Spitalin Rajonal të Shkodrës. Por për shkak të plagëve të marra, 60-vjeçari është dërguar në Spitalin e Traumës në Tiranë për mjekim më të specializuar.
Discussion about this post