Janë zbardhur detaje të reja nga mbytja e gomones që transportonte emigrantë nga brigjet franceze drejt Britanisë së Madhe.
Referuar burimeve të tyre, mediat britanike raportojnë se një mesazh zanor u dërgua nga një varkë që po fundosej drejt organizatës bamirëse franceze Utopia. Mesazhi ishte një thirrje për ndihmë.
Nikolai Posner, zyrtari i komunikimit i organizatës bamirëse, i tha gazetës se mesazhi zanor i WhatsApp-it prej 22 sekondash u la në orën 1.53 të mëngjesit me orën e Mbretërisë së Bashkuar.
Në mesazhin zanor dëgjohet një burrë që lutet për ndihmë dhe thotë se varka ka mbetur në ujë dhe se ka familje brenda saj, ndërsa në sfond mund të dëgjohen të qara fëmijësh.
Kujtojmë se të paktën 4 persona mbetën të vdekur pas mbytjes së gomones në kanalin anglez dhe 43 persona u shpëtuan nga forcat detare. Mes personave që u shpëtuan, ishte dhe një shqiptar, i identifikuar si Denis, nga veriu i Shqipërisë.
Discussion about this post