Policia ka zbardhur plagosjen me armë zjarri të ndodhur mëngjesin e sotëm në Lushnje, ku mbeti i plagosur 65-vjeçari Faik Veliu. Sipas informacioneve zyrtare ai është qëlluar nga vëllai i tij Sami Veliu, i cili u vu në pranga nga policia.
Nuk dihen ende shkaqet e konfliktit mes vëllezërve që çuan në përdorimin e armës së zjarrit. Ndërkohë mësohet se 65-vjeçari i plagosur ndodhet jashtë rrezikut për jetën.
Ngjarja e rëndë ndodhi sot rreth orës 05:00, në fshatin Ngurrëz e Vogël, Lushnjë, në territorin e jashtëm të banesës së Faik Veliut në rrethana ende të paqarta.
Grupi hetimor ka sekuestruar armën me të cilën është plagosur Faik Veliu dhe vijon hetimet për zbardhjen e plotë të ngjarjes dhe konfliktit mes vëllezërve.
