Policia e Durrësit ka dhënë detaje lidhur me krimin e ndodhur brenda familjes Meta në Shënavlash të Durrësit, ku mëngjesin e sotëm u gjet i groposur në kasollen e bagëtive, brenda rrethimit të banesës, Pëllumb Meta, 50 vjeç.
Ai ishte denoncuar si i zhdukur prej 10 ditësh nga familjarë të tij, ndërsa sot rezultoi se 50-vjeçari ishte ekzekutuar me 4 plumba dhe më pas ishte groposur. Sipas policisë, ekzekutor i Pëllumb Metës është djali i madh i viktimës, Hysen Meta, 25 vjeç. Ndërkohë Policia arrestoi edhe Amarildo Metën, djalin e vogël të viktimës, 21 vjeç, si dhe vajzën 19-vjeçare, Hygerta Meta. Kjo e fundit mori përsipër krimin, por hetimet zbuluan se ekzekutori ishte Hyseni, djali i madh i Pëllumb metës.
“Me marrjen e kallëzimit nisën kërkimet për gjetjen e personit. Më 17 shkurt është gjetur në Sektorin Rinia, mjeti që përdorte Pëllumb Meta.
Është ngritur grupi posaçëm hetimor ku vijuan hetimet dhe kërkimet, u hodhën pistat e hetimet pse ishte zhdukur 50-vjeçar. Më 22 shkurt nuk kishim të bënim me zhdukje, por vrasje në familje. Nga tërësia e veprimeve u gjet edhe trupi i cili ishte varrosur në ambientet e brendshme të banesës.
Pas ekspertizës u konkludua se është vrarë me armë zjarri. Veprimet vijuan me insitesitet të lartë dhe nga të gjithë provat e siguruara, u gjetën provat dhe të arrestojmë anëtarët, Hysen Metajn, dhe H.M, të cilët kanë bashkëpunuar.
Është arrestuar edhe Amarildo që ka ndihmuar vëllain dhe motrën. Gjithashtu po hetohet në gjendje të lirë Blerina Meta, bashkëshortja e viktimës.
Policia ka qenë e fokusuar te vendi i ngjarjes. Është gjetur edhe arma e zjarrit, është seksustruar monicion luftarak, veshje që janë përdorur në kryerjen e këtij krimi”, thuhet në deklaratën zyrtare të Policisë.
Policia sqaroi se vrasja ka ndodhur në një prej dhomave të banesës dhe më pas trupi është transportuar dhe varrosur në një kasolle.
Në banesë është gjetur edhe një predhë e armës së zjarrit me të cilën është kryer krimi. Janë gjetur gjithashtu pjesë të armëve të zjarrit kallashnikov, është sekuestruar municion luftarak. Policia tha se u arrit të gjendet edhe një armë krimit, model 54 në një zonë moçalore në vendin e quajtur Vaskat.
Kronologjia e ngjarjes sipas policisë:
Më datë 13.02.2024, rreth orës 22:30, shtetasi H. M., 25 vjeç, banues në fshatin Shënavlash Durrës, ka kallëzuar në Polici se ishte larguar nga banesa, babai i tij, shtetasi P. M., 50 vjeç, banues në Shënavlash, Durrës, dhe se kishin humbur kontaktet me të.
Pas këtij kallëzimi, shërbimet e Policisë kanë nisur menjëherë kërkimet dhe më datë 17.02.2024, bënë të mundur gjetjen e automjetit të shtetasit P. M., të parkuar në aksin rrugor Shënavlash-Sektor Rinia.
Grupi i posaçëm hetimor i ngritur për këtë rast, në drejtimin e Prokurorisë, vijoi hetimet dhe kërkimet, pasi dyshohej se 50-vjeçari ishte zhdukur.
Si rezultat i hetimeve të thelluara u bë e mundur zbardhja e zhdukjes së shtetasit P. M. Nga provat e siguruara dyshohet se ky shtetas nuk ishte zhdukur, por ishte vrarë në banesë.
Gjithashtu, nga hetimet dyshohet se autore e vrasjes së 50-vjeçarit është vajza e tij, shtetasja H. M., 19 vjeçe, e cila është arrestuar për veprën penale “Vrasja për shkak të marrëdhënieve familjare”.
Shtetasja H. M. ka deklaruar se motivi i vrasjes ka qenë nxitja prej babait, për t’u fejuar pa dëshirën e saj, si dhe konfliktet familjare që kanë patur.
Grupi i posaçëm hetimor po vijon hetimet e thelluara për të identifikuar dhe vënë përpara përgjegjësisë ligjore, shtetas të tjerë të implikuar në këtë ngjarje. Trupi i shtetasit P. M. është zhvarrosur dhe është transortuar në Institutin e Mjekësisë Ligjore, për kryerjen e ekspertizës së mëtejshme.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
Discussion about this post