Policia e Tepelenës ka ndaluar një person i cili është vëllai i një nxënëseje 13 vjeçare në shkollën 9-vjeçare të Tepelenës.
Alvi Gumeni emigrant është kthyer nga vendi ku jetonte pas thirrjes së të motrës për ndihmë, pasi 13-vjeçarja pretendohet se është ngacmuar seksualisht nga mësuesi 59-vjeçar Kleanthi Laçi.
Vetë Alvi Gumeni është vetëdorezuar para pak kohësh në Policinë e Tepelenës duke dhënë shpjegimet e veta për dhunën që ushtroi ndaj mësuesit të Edukimit Fizik Kleanthi Laçi një ditë më parë.
Ai e ndërmori këtë veprim në kushtet e ndihmës që i pati kërkuar e motra e tij nxënëse e Kleanthi Laçit pasi ky i fundit sipas dëshmisë së të vëllait të 13 vjeçares, e kishte ngacmuar shumë herë seksualisht dhe për këtë ai u kthye në Shqipëri për të ndërmarrë aktin që ka kryer dje.
Ndërkaq ka dhënë dëshminë e saj edhe 13 vjeçarja e pretenduar se është ngacmuar seksualisht nga mësuesi i saj Kleanthi Laçi, e cila është marrë në pyetje nga oficerët e policisë gjyqësore në prezencë të psikologes.
Discussion about this post