Gjatë përgjimeve për abuzimet e zyrtarëve lokalë në Ersekë, Prokuroria e Korçës dhe SPAK kanë zbardhur episode punësimesh të paligjshme në administratën e qytetit. Në përgjime rezulton vartësi i kryebashkiakut Erion Isai, i cili kontakton me drejtorët e institucioneve lokale dhe u kërkon listën e vendeve vakante ku mund të bëheshin punësime.
Përgjimet e Prokurorisë së Korçës dhe SPAK-ut kanë zbuluar në veprimtari kriminale një anëtar të Këshillit Bashkiak të Ersekës në bashkinë e drejtuar nga Erion Isain.
Në materialin e Prokurorisë së Korçës paqyrohet se si kryhen punësimet në administratën shtetërore, ku një ose dy persona kontrollojnë të gjitha vendet vakante dhe përcaktojnë pa asnjë lloj se kush do fillojë punë.
Sipas përgjimeve të administruara në dosjen hetimore, personi më aktiv në këtë veprimtari rezulton të jetë vartësi i Erion Isait, Lirjan Hyseni, që mban dy detyra njëherësh, kryetar i Këshillit Bashkiak dhe Përgjegjës Pyjor.
Nga një përgjim i kapur nga ana e prokurorisë, Lirjan Hyseni, bisedon me Drejtorin e Kujdesit Spitalor në Ersekë, të cilin e pyet për vendet vakante që ka në organikë.
Drejtori i komunikon se është një vend vakant, shofer ambulance. Lirjan Hyseni, i komunikon që këtë vend të mos e zinte, pasi do punësonte shtetain Gramoz A. Në 27 janar 2022, prokuroria e ka verifikuar punësimin në fjalë.
Discussion about this post