Zbulohet data/ Zëvendëson të ëmën, ja kur kurorëzohet Mbreti Charles

Zyrtarisht monarku i ri i Britanisë së Madhe është mbreti Charles III. Monarku mori detyrën pas vdekjes së nënës së tij, Mbretëreshës Elizabeth II.

Ndërkohë mësohet se ceremonia e kurorëzimit në  Westminster Abbey, do të bëhet sipas traditës më vonë.

Ceremonia e kurorëzimit të Mbretit Charles III është caktuar të zhvillohet më 3 qershor 2023, në Westminster Abbey, sipas Bloomberg.

Kurorëzimi i Mbretëreshës Elizabeth II u bë më shumë se një vit pasi ajo mori fronin në shkurt 1952. Ceremonia u zhvillua më 2 qershor 1953 në Westminster Abbey, kur princi i atëhershëm Charles ishte katër vjeç.

Burimet zbuluan për mediat britanike se ceremonia ka të ngjarë të jetë më e shkurtër, më e vogël dhe më e lirë se ajo e monarkëve të mëparshëm.

Përveç kësaj, Mbreti Charles III thuhet gjithashtu se kërkoi që kurorëzimi të pasqyronte diversitetin e Britanisë moderne dhe të përfaqësonte komunitete dhe besime të ndryshme që banojnë në Mbretërinë e Bashkuar.

Charles do të jetë monarku i dyzetë që do të kurorëzohet në ëestminster Abbey. I pari ishte Uilliam Pushtuesi, i kurorëzuar më 25 dhjetor 1066.

Charles – i cili do të jetë 74 vjeç në kohën e ceremonisë – do të bëhet personi më i vjetër që kurorëzohet mbret në historinë britanike.