Emri i Mauricio Pochettinos ishte një nga më të diskutuarit në momentin kur Manchester United po kërkonte zëvendësuesin e Ole Gunnar Solskjaer.
‘Telefoot’ raporton se paratë ishin problemi kryesor pse ‘Djajtë e kuq’ nuk mundën të afronin teknikun argjentinas.
Më tej shtohet se klubi i Paris Saint-Germain ishte i gatshëm të niste bisedimet vetëm në rast se United do i ofronte një shumë prej 15 deri në 20 milionë euro dëmshpërblim.
Plus faktit që PSG nuk ishte e sigurt nëse do të gjente një zëvendësues të denjë për të udhëhequr skuadrën e përbërë nga yje si Lionel Messi, Kylian Mbappe, Neymar, Sergio Ramos, Angel Di Maria, Gianluigi Donnarumma dhe Marco Verratti.
Megjithatë Manchester United ka ulur Ralf Rangnick në krye të stolit deri në fund të sezonit, ndërsa më pas do të shihet, nëse klub anglez do të trokasë sërish në derë n e PSG-së për Pochettinon.
Marrëveshja e Rangnick me Unitedin mbaron në verë, kohë në të cilën ai pritet të kalojë në rolin e këshilltarit të klubit për dy vitet pasuese./K.T/Gijotina.com
Discussion about this post