Nikolla Keljanoviç është i riu serb që hoqi flamujt shqiptarë në Serbi mbrëmjen e së dielës. Ai e bëri veprimin e turpshëm e provokues në bashkëpunim me disa fëmijë të cilët pohon se i kishin ardhur në ndihmë. Më tej, ata i publikuan veprimet e tyre aspak normale në rrjetet sociale.
Sipas mediave vendase ai e ka pranuar se e ka bërë atë veprim, i ndihmuar dhe nga disa persona të tjerë. Sjelljet e ulëta të të rinjve serbë janë shpërndarë me shpejtësi në rrjetet sociale.
Kejanoviç ka pohuar se ka qenë duke udhëtuar me shokun e tij përgjatë bulevardit ku më pas vendosi të hiqte flamujt kuqezi nga shtyllat në të cilat ishin vendosur. Katër fëmijë, sipas tij u janë bashkuar për të hequr simbolet kuqezi.
“Unë dhe shoku im po udhëtonim përgjatë ‘Bulevarit’ kur pashë flamujt e Shqipërisë, u ndalëm me qëllimin për t’i ulur. Kur u afruam, katër djem vrapuan drejt nesh dhe donin të na ndihmonin, kështu që ata u ngjitën dhe hoqën ato. Vazhduam tutje dhe hoqëm një duzinë flamujsh”, tha ai.
Më tej, serbi pohon se ka shqiptarë të cilët e urrejnë Serbinë e për këtë fakt vendosi të hiqte flamurin kuqezi.
I pyetur se pse i bindi të miturit për të bërë ato veprime, ai pohon se nuk u ka kërkuar asgjë, por ata shkuan për të ndihmuar.
“Nuk i binda kurrë, siç thashë, ata erdhën për të ndihmuar. Doja t’i regjistroja për rrjetet sociale dhe prandaj dëgjohen kur u them ta bëjnë, sepse kam filluar të regjistroj”, u shpreh serbi.
Për këtë veprim të turpshëm e provokues ka reaguar dhe Ragmi Mustafi, kryetar i Këshillit Kombëtar Shqiptar në Serbi.
“Diskursi publik i bërë për ndarjen e ‘shqiptarit të ndershëm’ dhe atij të pandershëm në Serbi. Do të thotë: ndershmëri = besnikëri = i nënshtruar”, shkruan Mustafi në Twitter.
