Është publikuar certifikata e vdekjes së Mbretëreshës Elizabeta e Dytë, e cila ka zgjidhur misterin se kush ishte saktësisht pranë saj në momentin që monarkja u largua nga kjo botë dhe çfarë i dha fund jetës së saj.
Sot, shënohet 1 vjetori i vdekjes së saj. Ajo ndërroi jetë në moshën 96-vjeçare në rezidencën e saj mbretërore në Balmoral, Skoci.
Lajmi tragjik u pasua nga spekulime mbi atë që mund t’a ketë vrarë atë, duke përfshirë se ajo mund të ketë qenë duke luftuar me kancerin.
Por, certifikata e saj e vdekjes ka zbuluar se shkaku i vetëm i vdekjes ishte pleqëria, pa asnjë faktor tjetër kontribuues.
Dokumenti është i nënshkruar nga vajza e saj, Princesha Ana. Ky dokument vë gjithashtu në dukje se ora e saj e vdekjes ishte 15:10 pasdite, që do të thotë se shumë anëtarë të familjes mbretërore, të cilët po nxitonin të ishin pranë saj, nuk ia dolën në kohë për t’i dhënë lamtumirën e fundit.
Në ditën fatale, Ana ishte tashmë në Balmoral me nënën e saj së bashku me Mbretin Karl dhe Mbretëreshën Kamila, pastaj Princin e Uellsit dhe Dukeshën e Kornuallit, duke mbërritur në orën 10:30.
Princi Uilliam, Princi Andrea, Princi Eduard dhe Sofia, Kontesha e Ueseks, të cilët udhëtuan të gjithë në Balmoral me të njëjtën makinë, mbërritën rreth orës 15:50, që do të thotë se ata nuk ishin të pranishëm kur Mbretëresha dha frymën e saj të fundit.
Discussion about this post