Fenomeni i “shtëpive të barit” po përhapet gjerësisht dhe në vendin tonë, ku 139 kg kanabis janë sekuestruar në Shkodër, të cilat kultivoheshin në vazo, brenda një ambienti të përshtatur për rritjen e kanabisit.
Në pranga është vënë M. V., 42 vjeçe banuese në fshatin Jeran, si dhe është shpallur në kërkim bashkëshorti i saj, Gj. V., 55 vjeç, banues në fshatin Jeran, Shkodër.
Gjatë zhvillimit të operacionit janë sekuestruar 139 kg lëndë bimore e dyshuar cannabis sativa, 132 fidanë të dyshuar narkotikë të kultivuar në vazo, 63 llamba elektrike, baza të tjera materiale që shërbenin për kultivimin e kanabisit nëpërmjet llambave elektrike dhe 1 automjet.
Gjithashtu, gjatë operacionit, në këtë banesë është konstatuar lidhje e paligjshme e energjisë elektrike.
Materialet procedurale iu referuan Prokurorisë pranë Gjykatës së Shkallës së Parë Shkodër, për veprat penale “Prodhimi dhe shitja e narkotikëve” kryer në bashkëpunim, “Kultivimi i bimëve narkotike” kryer në bashkëpunim dhe “Vjedhja e energjisë elektrike”, njofton policia.
Discussion about this post