Një “shtëpi bari” është zbuluar në Lezhë. Të arrestuar në kuadër të operacionit “Pllana” janë shtetasit Ardit Marku dhe Emiljan Gega, pasi iu është gjetur një sasi prej 26 kilogramësh drogë, kanabis sativa, në mjetin e tyre.
Të arrestuarit transportonin lëndë narkotike me automjetin e tyre, në aksin e vjetër rrugor Lezhë – Milot, shërbimet e Policisë Lezhë, në automjetit të dyshuar tip “Mitsubish” për kontroll, në fshatin Pllanë, Lezhë.
Si rezultat i kontrollit, brenda mjetit u gjetën 3 thasë plastmasi ngjyrë e zezë, të mbushura me material bimor të dyshuar lëndë narkotike, ku pas peshimit total të tyre rezultoi 26 kilogramë pesha e tyre.
Të arrestuarit pritet të përballen me akuzën për veprat penale “Prodhimi dhe shitja e lëndëve narkotike”, kryer në bashkëpunim.
Materialet iu referuan Prokurorisë së Rrethit Gjyqësor Kurbin, për veprime mëtejshme.
Discussion about this post