Plotësimi i dokumentacionit të nevojshëm të ngastrave të tokës në bregdetin shqiptar, ka sjellë forma alternative për të manipuluar dokumentat e atyre që abuzojnë me pronat.
Rregjistrimi i sipërfaqes së tokave inekzistente ishte skema e përdorur për falsifikimin e dokumenteve, nga , ish-drejtuesin e D.A.M.T-it në Qarkun e Vlorës Klodian Troci, ish-drejtuesin e D.A.M.T-it në Qarkun e Vlorës, Bardhyl Gjika, specialistin juridik të Hipotekës, Kreshnik Mino dhe përfituesin e tokës Spiro Duni.
Gjatë vitit 2020, sipas hetimeve të kryera, Bardhyl Gjika, në cilësinë e Drejtorit të Administrimit dhe Mbrojtjes së Tokës në Qarkun e Vlorës, në bashkëpunim me persona të tjerë kanë nxjerrë nga arkivat e kadastrës së Këshillit të Qarkut Vlorë, dokumente origjinale si Akte të Marrjes së Tokës në Pronësi, Akte të Marrjes së Tokës në Përdorim, Formularë nr.6 etj.
Dokumentet e siguruara nga arkivat janë përdorur për ineteres të palëve të paditura dhe lidhjeve shoqërore e miqësore të tyre, banorë të fshatrave Himarë e Dhërmi, kryesisht zonat e Bregut.
Më pas, këto dokumente shtetasin nën hetim duke përdorur lidhjet shoqërore i kanë zëvendësuar materialet e marra nga arkivat e kadastrës së Vlorës me riprodhuara dhe të falsifikuara, duke shtuar në to sipërfaqe fiktive prej mijëra metra katror toka në bregdet.
Dokumentet e falsifikuara janë rifutur në arkivin e Kadastrës së Qarkut Vlorë si dokumente origjinale dhe nga ana e personave të interesuar është kërkuar kopje e njehsuar e tyre në rrugë zyrtare me kërkesë në Kadastrën e Qarkut Vlorë.
Drejtori i kësaj zyre, Bardhyl Gjika, ka lëshuar kopje të njehësuar dhe me shkresë përcjellëse i janë dhënë personave të interesuar ose i janë dërguar zyrtarisht, Bashkisë Himarë ose Agjencisë Shtetërore të Kadastrës Vlorë, me qëllim për t’u përdorur më pas për dhënien e akteve të reja të pronësisë nga ana e Bashkisë Himarë dhe hipotekimin e tyre A.SH.K. Vlorë.
Discussion about this post