“O Beach Bar” në Ibiza, Spanjë është lokali i preferuar për futbollistët, bukuroshet e televizionit dhe vipat e tjerë për të pushuar dhe kaluar një kohë të paharruar.
Ky klub argëtimi është në pronësi të vëllait të ish-futbollistit të njohur të “Tre Luanëve” Gary Lineker.
Klubi “O Beach”, në pronësi të Wayne Lineker, organizon festat më të çmendura me vajza të veshura me bikini që kërcejnë rreth pishinës, shishe prej 3000 £ Dom Perignon që serviren në çdo tavolinë dhe një shumicë personazhesh të famshëm besnik të këtyre organizimeve.
Së fundmi, Jack Grealish festoi fitoren epike të Mançester Sitit për titullin e Premierligës duke u futur në Ishullin Balearik dhe sigurisht duke marrë pjesë në festën e fundit organizuar në “O Beach Bar”.
Atje, ai shijoi shoqërinë e yllit të Ibiza Weekender, Chloe Chaloner dhe shumë kokteje për të festuar suksesin e ekipit të tij.
Ndërsa në të kaluarën, futbollistët e Anglisë duke përfshirë Joe Hart, Michael Carrick, Peter Crouch, Tyrone Mings dhe Andy Carroll kanë rezervuar vendet e tyre për të kaluar një ditë të paharruar rreth pishinës, shkruan panorama plus. Kjo është arsyeja pse “O Beach Club” është xhevahiri i perandorisë së klubeve të natës prej 30 milionë paundsh të Lineker.
Discussion about this post