Situata te klubi i Partizanit është kthyer në një ‘lëmsh’ të madh që çdo ditë e më shumë i rëndon trajnerit Ilir Daja.
Teksa raportohet se shkak i rezultateve të dobëta te ‘Demat’ është bërë marrëdhënia jo e mirë e një pjese të lojtarëve me teknikun, së fundmi ka ardhur një deklaratë që i hedh më shumë ‘benzinë zjarrit’.
Ish-trajneri i Tiranës, Jose Marcelo Ferreira, i njohur nga të gjithë si Ze Maria është rikthyer në Shqipëri pas tre vitesh dhe pikërisht për të ndjekur derbin.
Teksa ka folur për “Top Channel”, Ze Maria zbulon se në stadium ka takuar presidentin e ‘Të kuqve’ të kryeqytetit, Gaz Demin dhe pret kontakte të mëtejshme nga ai. Madje ai ka theksuar se dita e sotme është afati i fundit që i ka lënë, përndryshe do të largohet sërish.
“Kishte tre vite që nuk vija në Tiranë dhe nuk e kisha parë as stadiumin e ri. Erdha për të parë derbin dhe kjo është arsyeja. Ndeshja ishte një derbi i vërtetë, pa aksion dhe lojë të bukur. I vetmi derbi që luhet për të fituar është Real Madrid-Barcelona. Gabim i arbitrit? Jo, për mua ishte gabim vetëm që nuk e dha penalltinë direkt, por duhej të shihte VAR. Kontakti i vetëm që kisha me Partizanin dhe drejtuesit e saj ishte në derbi. Kam takuar presidentin dhe drejtorin e tyre, por nuk folëm. Është një skuadër e madhe që unë do të doja ta drejtoja, por kam respekt për trajnerin e tyre. Unë jam këtu deri nesër dhe do të presim për ndonjë kontakt. Nëse më duan, unë do të jem gati”,-deklaroi braziliani.
Ndërsa ritheksojmë se Partizani po vuan prej gjashtë javësh tashmë, pra që nga fillimi i sezonit të ri të Superligës që nuk merr asnjë fitore dhe humbja e derbit ndaj Tiranës ishte një goditje shumë e fortë./K.T/Gijotina.com
