Presidenti i Ukrainës Volodymyr Zelensky pranoi sot se epërsia ajrore e Rusisë po ndalon një kundërofensivë ukrainase. Në një deklaratë Zelensky shprehu dhe pakënaqësinë e tij për një ngadalësim të ndihmës ushtarake perëndimore dhe vonesat në sanksionet kundër Moskës.
“Meqenëse ne nuk kemi një forcë ajrore dhe Rusia ka, ata na bllokojnë nga ajri. Ata po ndalojnë kundërsulmin tonë”, theksoi Zelensky.
“Lufta po ngadalësohet, ne e njohim këtë fakt. Kur partnerët tanë thonë ‘cili është hapi tjetër në kundërsulm? Përgjigja ime është se sot hapat tanë janë ndoshta më të shpejtë se paketat e reja të sanksioneve’ që synojnë Rusinë,” tha presidenti ukrainas.
Kievi ankohet rregullisht për ritmin e ngadaltë të masave hakmarrëse që synojnë ngadalësimin e operacionit ushtarak të Rusisë. Zelensky përsëriti se nëse Perëndimi do të dorëzonte më shpejt municione me rreze të gjatë, të cilat bëjnë të mundur goditjen e pozicioneve të mbrojtjes ruse, pjesën e pasme dhe zinxhirin e furnizimit rus, ushtria ukrainase gjithashtu do të përparonte më shpejt.
“Një armë specifike ka një ndikim specifik. Sa më i fuqishëm dhe me rreze të gjatë të jetë, aq më shpejt do të vazhdojë kundërsulmi”, theksoi ai.
Discussion about this post