Presidenti i Ukrainës mbajti një fjalim në kongresin amerikan ku i bëri thirrje presidentit amerikan Xho Bajden të bëhet lideri i paqes.
“Paqja në vendin tuaj nuk varet më vetëm nga ju dhe nga populli juaj”, thotë ai.
“Kjo varet nga ata që keni pranë, nga ata që janë të fortë.”
“I fortë nuk do të thotë i madh. I fortë është trim dhe i gatshëm të luftojë për jetën e qytetarëve të tij dhe qytetarëve të botës,” vazhdon Zelensky.
Ai u shpreh se njerëzit e tij po luftojnë për vlerat e Evropës dhe botës, si dhe për vlerat e tyre.
I prekur Zenelsky shtoi më tej se nuk ka kuptim në jetë nëse nuk mund të parandalojë vdekjen e më shumë fëmijëve ukrainas dhe kjo është shqetësimi i tij më i madh si udhëheqës i vendit.
“President Biden, ju jeni udhëheqësi i kombit tuaj. Shpresoj se do të jeni udhëheqësi i botës. Të jesh lider i botës do të thotë të jesh udhëheqës i paqes.”
Zelensky thotë se Ukraina po kërkon një përgjigje ndaj terrorit të sulmet ajrore ruse dhe kërkon që të vendoset një zonë ndalim-fluturimi.
“A është shumë kjo që po kërkojmë?” Nëse është atëherë kërkon sistemin e mbrojtjes që i nevojitet kundër sulmeve ajrore.
Ai kërkon avionë për të mbrojtur lirinë e Ukrainës.
“Kam një nevojë. Më duhet të mbroj qiellin tonë. Kam nevojë për vendimin tuaj, ndihmën tuaj, që do të thotë saktësisht të njëjtën gjë kur dëgjon fjalët “Unë kam një ëndërr”, tha ai.
Anëtarët e NATO-s deri më tani kanë refuzuar të vendosin një zonë ndalim-fluturimi mbi Ukrainë, duke argumentuar se kjo do të rrezikonte një përshkallëzim me Rusinë.
Discussion about this post