Volodymyr Zelensky ka kërkuar një takim të ri me presidentin amerikan, Donald Trump dhe aleatët europianë.
Presidenti ukrainas mendon se nuk ka më kohë për të humbur, dhe këmbëngul që takimi të mbahet që javën e ardhshme, mes raporteve se Rusia është duke përgatitur një sulm të ri në lindje të Ukrainës.
“Rusia ka grumbulluar deri në 100.000 trupa në vijat e frontit pranë Pokrovskut. Po bëhet gati për një ofensivë tjetër”, tha Zelensky.
Qyteti tejet strategjik i Pokrovskut, në rajonin jugor të Donjeckut në Ukrainë, kishte një popullsi prej 60.000 banorësh para luftës. Shumica e banorëve tashmë janë larguar, pasi forcat ruse e kanë rrethuar qytetin për muaj të tërë, edhe pse deri më tani nuk kanë arritur t’i thyejnë vijat mbrojtëse dhe ta marrin nën kontroll qytetin.
Por ndërkohë sipas kreut të administratës ushtarake rajonale në Dnipropetrovskut, i gjithë rajoni po përballet me “një sulm masiv”. E njëjta situatë raportohet edhe në Zaporizhja, ku autoritetet flasin për bombardime mëngjesin e sotëm, e thonë se mund të ketë viktima.
Kërkesa e Zelenskit për një tjetër takim me kreun e Shtëpisë së Bardhë vjen në kohën kur përpjekjet e Trumpit për arritjen e një armëpushimi po hasin në vështirësi.
Presidenti amerikan, e cila e ka kthyer fundin e luftës në një prioritet të mandatit të tij, nuk e ka fshehur zemërimin me Putinin që nuk po i pranon thirrjet e amerikanëve për bisedime ballë për ballë me Zelenskyn.
Discussion about this post