Presidenti ukrainas, Volodymyr Zelensky në një fjalim në parlamentin irlandez deklaroi këtë të mërkurë, se të paktën 167 fëmijë janë vrarë gjatë pushtimit rus të Ukrainës, por ky numër ka të ngjarë të jetë më i lartë.
“Fakti është se në 42 ditët e luftës ruse, të paktën 167 fëmijë u vranë në Ukrainë. Ne nuk i dimë ende të gjitha mizoritë e Mariupolit dhe viktimat në zona të tjera të Ukrainës ku luftimet po vazhdojnë”, u tha Zelensky ligjvënësve irlandezë.
Gjithashtu sipas Zelensky, 927 institucione arsimore, 258 spitale dhe 78 ambulanca në Ukrainë janë shënjestruar nga forcat ruse.
“Forcat ruse po synonin edhe kishat dhe strehimoret ku ata e dinin se nuk kishte “askush përveç grave dhe fëmijëve”, shtoi ai.
Që nga 24 shkurti kur Rusia filloi sulmet e saj ndaj Ukrainës e deri më tani kanë humbur jetën 167 fëmijë, ndërsa 279 të tjerë janë plagosur.
Discussion about this post