Ukraina do të importojë gaz natyror nga Greqia që do të ndihmojë në mbulimin e nevojave të saj dimërore, tha Presidenti ukrainas Volodymyr Zelensky në një postim në mediat sociale sot. Kjo duke u zotuar të sigurojë gati 2 miliardë euro për të kompensuar humbjet e pësuara nga sulmet ruse ndaj prodhimit vendas.
“Sot, ne kemi përgatitur tashmë një marrëveshje me Greqinë për gazin natyror për Ukrainën, e cila do të jetë një rrugë tjetër furnizimi me gaz që do të sigurojë importet për dimër sa më shumë që të jetë e mundur.Ne tashmë kemi marrëveshje për të financuar importet e gazit dhe do të mbulojmë pothuajse 2 miliardë euro të nevojshme për importet e gazit për të kompensuar humbjet e shkaktuara në prodhimin e Ukrainës nga sulmet ruse.”, tha Presidenti ukrainas në aplikacionin e mesazheve Telegram.
Mediat e huaja shkruajnë se deklarata e Zelensky-t erdhi përpara mbërritjes së tij në Greqi sot, ndalesa e parë në një turne në vendet evropiane, përpara se të nisej për në Francë dhe Spanjë. Zelensky tha se Kievi kishte ndarë fonde për importet e gazit nga partnerët dhe bankat evropiane sipas garancive të Komisionit Evropian, si dhe nga bankat ukrainase, ndërsa po punon gjithashtu me partnerët amerikanë për të siguruar financim të plotë.
“Ukraina po zgjeron opsionet e saj të furnizimit dimëror përmes partnerëve polakë, ku po punon me Azerbajxhanin dhe shpreson të sigurojë kontrata afatgjata, shtoi ai.
Discussion about this post