Dëshmitarët e vrasjes së ganezes Jawsackie Jaboah nga i dashuri i saj 31-vjeçari Klinton Pira, kanë rrëfyer në polici, tmerrin që kanë parë dhe dëgjuar në apartamentin ku ndodhi krimi. Ata kanë dëshmuar nëj detaj që deri më tani nuk është bërë i ditur nga asnjë burim i grupeve hetimore, duke thënë se nga dhoma e hotelit ku u vra e reja ka dalë edhe një person i tretë, teksa çifti po konfliktohej. Sipas dëshmisë së tyre, Mili siç njihej vajza ganeze kishte rezervuar dhomën me qira ditore “online” nga një agjenci. Personi i agjencisë i ka pritur pas pallatit, ndërsa ka dëshmuar se çifti ka qenë i shoqëruar nga një grua në moshë të madhe, që thotë se ka qenë e ëma e Klintonit dhe një djalë tjetër, rreth të tridhjetave.
Dëshmitari shton se kur janë takuar janë ndarë nga familjarët dhe kanë shkuar drejt hotelit. Janë akomoduar në një hyrje në kat të shtatë të pallatit. Ai ka rrëfyer para grupeve hetimore se të dy personat “ishin të sjellshëm, të komunikueshëm dhe të qetë. Për sa kohë kam qenë me ta, ai thotë se nuk ka parë asnjë shenjë nervozizmi dhe më pas është larguar.
Ndërsa një banor i pallatit, që ndodhet pas shkollës “Pjetër Budi”. Ai thotë se ka qenë bashkë me gruan, kur dëgjuan zhurma në katin e banesës ku jetonin. “Ishin zëra të hollë, si zëra fëmijësh. Ishte zëri i një femre që ulëriste dhe doli në korridor. Sa më shumë zbriste shkallët, aq më mbytëse bëhej ulërima e saj”.
Një tjetër dëshmitar ka treguar se ka parë nga syri i derës dhe ka dalluar një mashkull me bluzë të bardhë që po zbriste shkallët. Pastaj, shton se erdhi një burrë tjetër, por nuk është e sigurt se bëhet fjalë për të njëjtin person.
Ajo gjithashtu ka rrëfyer se kur ka dalë nga banesa për të pirë kafe, ka parë që gjithë korridori i katit të shtatë ishte i mbuluar me gjak, ndërsa kur ka zbritur poshtë ka parë trupin e pajetë të Klintonit.
Dëshmitare e kësaj ngjarje të rëndë ka qenë edhe një parukiere e cila ka dëshmuar se ka parë një vajzë “të huaj, të bukur, me flokët me rrica, që shoqërohej nga dy meshkuj të bardhë dhe po trajtoheshin nga rruga ‘Muhamet Gjollesha’, në krahun tjetër të vendit u ndodhi ngjarja”.
Dëshmitë e banorëve kanë zbuluar shumë detaje, të cilat deri më tani nuk ishin bërë publike nga grupi hetimor, megjithatë arsyeja se përse e kthyen historinë e dashurisë në një krim makabër mbeten të paqarta.
