Deputeti i LSI, Petrit Vasili, është pyetur sot në lidhje me zgjatjen e procesit të vetingut që pritet të miratohet sot. Ai ka deklaruar për mediat se e gjitha kjo është një farsë, edhe zgjatja e vetingut është vazhdimi i farsës së drejtësisë të kapur nga Edi Rama.
“Ju e kuptoni se kjo është një farsë. Drejtësia që keni para syve, nuk është e njëjta, ju prisni që GJK të ndërpriste vendimin, siç keni parë dhe në gjyqet më të thjeshta që arrestohen në sallë ata që bëjnë dëshmi të rreme. Sot ka manipulim shtetëror, nuk ka ndodhur asgjë. është farsë e radhë. Nuk funksionon as për ne dhe as për gazetarin, për këtë farë dhe krimin që nuk ndëshkohet”, tha ai.
Sipas tij, çdo situatë që po ndodh tani tregon se qytetarët nuk mund të gjejnë drejtësi nga kriminelët dhe se krimi i rëndë na ka mbyllur sytë për të parë të vërtetën. “Mendojeni se para pak minutash keni përcjellë gallatën e Ramës ku qytetarët e ndershëm do të gjejnë drejtësinë pas këtyre grabitësve. Krimi shumë rëndë që ka ndodhur ku drejtësia ka mbyllur sytë. Sot diskutohet edhe vetingu. Drejtësia është e kapur me regjim të Ramës”, tha ai. Ndërsa i pyetur për qëndrimin mbi faktin që Basha shprehet pro zgjatjes së vetingut, Vasili tha se nuk ka asnjë interes mbi të.
Discussion about this post