Ish-kryeministri Sali Berisha ka dalë me një konferencë për shtyp. Fjalën e tij ai e ka nisur me zgjedhjen e presidentit të ri të Republikës, Bajram Begajt. Ai shprehet se zgjedhja e presidentit është bërë në mënyrë të njëanshme nga Partia Socialiste. Sipas tij, me zgjedhjen nga ana e Edi Ramës të Begajt në krye të shtetit ka marrë në dorë çdo pushtet.
“PD deklaron se pas zgjedhjes më datë 6 qershor, Edi Rama vendosi nën pushtetin e tij edhe institucionin efundit që kishte mbetur jashtë kontrollit të tij, kështu sot për herë të parë, pas 31 viteve, të gjitha pushtetet pa përjashtim janë në duart e një njeriu të vetëm. Në pushtetin ekzekutiv çdo ministër, drejtor apo drejtor drejtorie është përfaqësues i një force të vetme politke, asaj socialiste. Kontrolli i Lartë i Shtetit, Drejtori i Shërbimit Informativ Shtetëror, drejtori i Energjisë, Telekomunikacionit, janë të emëruar dhe të zgjedhur vetëm nga PS. Sot në këtë shtet monist, si kurrë më parë”, shprehet Sali Berisha.
Discussion about this post