Zgjedhjet e 25 qershorit 2023 në Greqi, kryeministër në detyrë do jetë Ioannis Sarmas

Takimi formal me Presidenten e Republikës, i liderëve politikë të partive që ia dolën të hyjnë në Kuvend, në zgjedhjet e së dielës ka zgjatur vetëm gjysmë ore. Bëhet me dije se kryeministër në detyrë do të jetë kryetari i Gjykatës së Auditimit, Ioannis Sarmas , i cili do të shkojë në Pallatin Presidencial në orën 13:00 për të marrë urdhrin për formimin e qeverisë së përkohshme.

Ky zhvillim i hap rrugën, nisjes së periudhës parazgjedhore për zgjedhjet e 25 qershorit, e cila zyrtarisht do të nisë të hënën e ardhshme, pas shpërndarjes së Kuvendit, si rezultat i zgjedhjeve të 21 majit.

Njoftimi i Presidentes së Republikës

“Presidentja e Republikës Katerina Sakellaropoulou do të presë sot në orën 13:00 në Pallatin Presidencial Kryetarin e Gjykatës së Auditimit Ioannis Sarmas, me qëllim caktimin e tij, në përputhje me nenin 37 par. sek. 3 të Kushtetutës, formimi i një qeverie, me pranimin sa më të gjerë, me qëllim zhvillimin e zgjedhjeve”.