Kreu i Komisionit Qendror të Zgjedhjeve, Ilirjan Celibashi ka bërë të ditur se partitë kanë 24 orë kohë për të regjistruar në KQZ koalicionet. Celibashi bën me dije se kanë qenë 11 parti që kanë paraqitur kërkesën për regjistrim për zgjedhjet e 6 marsit.
“Në KQZ kanë paraqitur kërkesë për t’u regjistruar si subjekte zgjedhore në zgjedhjet për 6 bashki të datës 6 mars, 11 parti. Nuk është paraqitur në KQZ & në asnjë KZAZ ndonjë kërkesë për regjistrim si subjekt zgjedhor në zgjedhjet e pjesshme vendore, asnjë Komitet Nismëtar. KQZ ka 24 orë në dispozicion për të kthyer për plotësim dokumentacionin e partive me mangësi për të vijuar me miratimin e tyre në seancë. Kodi Zgjedhor parashikon se subjektet e regjistruara një afat prej 24 orësh për të sjellë kërkesën për koalicione të mundshme zgjedhore.”, shkruan Celibashi.
Kujtojmë se dita e djeshme ishte afati i fundit që partitë të regjistrohen për të marrë pjesë në zgjedhje e pjesshme lokale.
Discussion about this post