Pas ftesës së presidentit Ilir Meta për t’u ulur në një konsultim me partitë politike për të diskutuar për datën e zgjedhjeve lokale, ka ardhur reagimi i parë nga PS.
Mësohet se, në orën 12:30 kryetari i Grupit Parlamentar të Partisë Socialiste, Taulant Balla do të jetë në Presidencë në kuadër të konsultimeve me Presidentin për caktimin e datës së zgjedhjeve të pjesshme vendore. Ndërsa nga ana e opozitës nuk ka ende një reagim.
Kujtojmë se presidenti Meta ka deklaruar se pa kryetarë janë 6 bashki, konkretisht Vora, Dibra, Shkodra, Lushnja, Rrogozhina dhe Durrësi. Ndërkohë që KQZ thotë se nuk ka asnjë informacion se Lushnja, Rrogozhina dhe Durrësi janë pa kryetarë, prandaj ai duhet t’i drejtohet Këshillit të Ministrave për informacion.
Discussion about this post