Ata morën mijëra vota. Në disa raste, në një diferencë të madhe në krahasim me kolegët që siguruan mandatin. Por ky rezultat nuk mjaftoi për të garantuar një vend në parlament.
Pika 2 e nenit 67 të kodit zgjedhor, përcakton se 1 në 3 kandidatë fitues duhet të jetë grua. Për këtë arsye, në qarkun e Beratit, Julian Zyla ndonëse i treti më i votuar në listën e hapur, në vend të tij mandatin e merr Hatixhe Konomi me rreth 1 200 vota më pak.
Në Tiranë, Xhemal Qefalia, me më shumë vota se koleget e tij, nuk do të jetë pjesë e Kuvendit për shkak të zbatimit të kuotës gjinore. Në vend të Qefalisë do të jetë Anila Denaj.
Një situatë e ngjashme është dhe në Durrës. Ilir Ndraxhi, me 1 900 vota më shumë se Etleva Budini, nuk arrin të sigurojë mandatin.
Në Korçë Arian Jaupllari, megjithëse ka marrë më shumë vota se Besa Spaho, mbetet jashtë Kuvendit.
Ky rregull vlen për zgjedhjet parlamentare dhe synon të garantojë një përfaqësim më të balancuar gjinor në Kuvend.
Në garat e fundit parlamentare, zbatimi i kësaj kuote është bërë gjithë e më rigoroz, duke ndikuar drejtpërdrejt edhe në mënyrën se si shpallen fituesit pas votave preferenciale, për të ruajtur barazinë gjinore në listat përfundimtare.
Discussion about this post