Kryeministri i Kosovës, Albin Kurti ka votuar ditën e sotme në zgjedhjet lokale në Kosovë. Pasi ka hedhur votën e tij në kuti, Kurti ka dalë nga qendra e votimit dhe u ka bërë thirrje qytetarëve që të bëjnë të njejtën gjë.
“Sapo ushtrova të drejtën për të votuar. Sot vendosin qytetarët e Kosovës kush do të jenë udhëheqësit e tyre. Inkurajo të gjithë qytetarët, pa dallim, që ta shfrytëzojnë këtë moment barazie. Si Kryeministër, unë bashkë me qeverinë tonë do të punoj e bashkëpunoj shumë ngushtë në fuqizimin e komunave. 4 vite të mbara i presin qytetarët e Kosovës në të gjitha komunat ku jetojnë banojnë dhe punojnë” – u shpreh Kurti jashtë qendrës së votimit.
Ndërkohë, një pjesëmarrje e lartë paraqitet nga ana e qytetarëve të cilët kanë shfaqur interes që në orët e para të mëngjesit për të ushtruar të drejtën e votës.
