Nga Indrit Vokshi
Zgjedhjet e pjesshme të marsit për 6 bashki, do të jenë seria tjetër e tragjikomedisë në PD.
Revolucioni do të punojë fort për fitoren e PS dhe humbjen e PD. Vetëm që të thonë se “Luli humb”. Jo se u intereson PS. Thjesht kështu e kërkon skema e revolucionit.
Kandidatët e PD që do caktojë Luli, i kanë të gjitha mundësitë për të humbur edhe vetë, pa ndihmën e këtyre. Nuk është se ata e kanë të sigurt fitoren dhe po ua merr nga dora revolucioni.
Jo, revolucioni do të sigurohet e do të japë ndihmën e vet – njëlloj si kur ndodh një vrasje që killeri afrohet dhe i rras viktimës një plumb kokës për tu siguruar që ka vdekur. Ketë duan të bëjnë.
Fundja ketë kanë bërë historikisht të gjitha lëvizjet e divorcuara nga PD: ndihmojnë PS në funksion të lojës së brendshme në PD.
Kundërshtarin e brendshëm duan ta mposhtin duke pasur si mjet një forcë të jashtme (ka ndodhur historikisht në botë kjo skemë). Ketë ka bërë edhe LSI nga e majta. Në 2005 ka ndihmuar PD. Në 2009 jo që ndihmoi PD por u angazhua edhe në përçarjen e PS, pas humbjes.
Revolucioni është gati t’i penalizojë demokratët në 6 bashki, gati të pengojë balancimin sadopak të realitetit politik, pushtetor e të përfaqësimit (realitet i zhbalancuar keqazi në favor të PS) vetëm që të thonë se PD humb.
A do ta japë dorëheqjen komisioni i revolucionit pas të humbë në 6 bashki? Se Luli nuk e jep pasi Luli është i zi. Po ata që janë ndryshe nga Luli? Apo Luli do justifikohet se e penguan këta revolucionarët, ndërsa ata do justifikohen se na pengoi Luli, na mundi rrezhimi Rama-Basha.
Kjo do jetë komedia.
Discussion about this post