Zgjedhjet për krerët e degëve kanë shtuar debatet mes Komisionit të Rithemelimit dhe mbështetësve të Enkelejd Alibeajt që janë kundër zhvillimit të tyre para bashkimit të demokratëve.
Bashkim Gjeleshi ka shkuar sot të votojë për kryetarin e ri të PD në Bulqizë, por nuk ka figuruar në listën e votuesve. I zhgënjyer ai shprehet se është me 3 tesera partie pasi është anëtar i PD që në 91.
“Që në 91 jam anëtar i PD. Kam marrë pjesë masivisht në çdo mbledhje në protestë për të drejtën për liri dhe demokraci. E më thanë nuk e ke emrin në listë. Më vjen shumë keq kur jam me tesera, prej me Safet Zhulalin, me Azem Hajdarin me Saliun e Me Lul Bashën. Kanë ardhur disa persona nga Gjorica që nuk janë as anëtarë partie për të votuar. Ka manipulime, nuk është lista e plotë. Mua më kanë thënë se ke emrin në listë, se si bëhen këto lista. Kam ardhur nga Gjorica kam lënë punët e shtëpisë pa mbjellur arën për këtë punë, për të votuar. E më thonë s’të del emrin. Jam me 3 tesera. Në ato vite që kriste dajaku ne ishim të parët në mitingje. Sot dal komunist që me Leninin”, thotë ai.
Zgjedhjet sipas parimit një anëtar, një votë janë zhvilluar në disa nga degët e PD-së në vend, ndërsa pritet që procesi të përfundojë javën e ardhshme, ku më 30 prill do të mbahet Kongresi i radhës i PD.
Discussion about this post