Grupi i Punës për Zgjedhjet në FRPD, kanë njoftuar rifreskimin e strukturave të FRPD në të gjitha nivelet e partisë, duke sjellë anëtarë të rinj dhe duke pritur kandidatura për kryesimin e strukturave drejtuese në nivele të ndryshme.
Në prononcimin e dhënë, ata dhanë edhe detajet lidhur me kriteret që duhet të plotësohen nga persona të cilët synojnë të jenë drejtues të FRPD në nivel lokal apo qendror.
“Çdo kandidat që shpreh ambicien për tu zgjedhur në strukturat drejtuese të FRPD në nivel lokal apo qendror duhet të plotësojë formularin e tij personal tip që i bashkëngjitet këtij udhëzimi shoqëruar me kopje të vërtetuara të dokumenteve dëshmuese si dhe një Letër Motivimi, jo më shumë se 500 fjalë.
-Të jetë individ me integritet të lartë moral dhe profesional
-Të ketë përfunduar arsim e lartë (ose ne proces për nivelet lokale)
-Të ofrojë shanse reale për të ngritur në një nivel të lartë veprimtarinë e FRPD
-Të mos jetë anëtar i Grupit të Punës i deleguar për procesin zgjedhor në FRPD
-Të mos jetë mbi moshën 30 vjeç”, thuhet në njoftimin e FRPD.
Afati i paraqitjes dhe propozimeve të kandidaturave për nivelin lokal dhe qendror pranë Grupit Qendror të Punës, është deri më datë 31 janar 2022.
Discussion about this post