Qytetarët në 38 komunat e Kosovës votuan më 12 tetor për të zgjedhur kryetarët e rinj dhe përbërjet e reja komunale.
Votimet u zhvilluan pa ndonjë incident të madh.
Në bazë të numërimit të deritanishëm të votave, në 21 komuna qytetarët kanë zgjedhur qysh në raundin e parë krerët e komunave, ndërkaq në 17 të tjerat do të zhvillohet raundi i balotazhit.
Prishtina, kryeqendra e Kosovës, është në mesin e komunave që do të shkojë në balotazh, kur do të përballen LDK-ja dhe LVV-ja.
Në raundin e parë, LVV-ja dhe PDK-ja fituan në tre komuna, LDK-ja në dy, AAK-ja dhe Nisma e kanë fituar nga një komunë, sikurse edhe Ramiz Lladrovci me listën e tij në Drenas.
KQZ-ja tha se pret që brenda javës të përmbyllë numërimin e të gjitha votave, përkatësisht të asamblistëve, votave me kusht, të personave me nevoja të veçanta dhe me postë.
Konkretisht LVV ka fituar në raundin e parë 3 komuna dhe kryeson në balotazh në 3 të tjera. Në të njëjtën situate është edhe PDK-ja që ka marrë Skënderaj, Ferizaj dhe Hanin e Elezit dhe do jetë në avantazh në raundin e dytë në Kaçanik, Mitrovicë të Jugut, Vushtri dhe Prizren dhe Vushtri.
AAK-ja e Ramush Haradinajt ka marrë 1 komunë që në raundin e parë dhe prin në katër komuna të tjera në raundin e dytë.
Ndërsa LDK-ja ka fituar në raundin e parë 3 komuna dhe kryeson në 3 të tjera në balotazh.
AAK fituese në raund të parë (1 komunë)
Deçan
AAK kryeson pas raundit të parë (4 komuna)
Gjakovë
Klinë
Rahovec
Suharekë
LVV fituese në raundin e parë (3 komuna)
Kamenicë
Podujevë
Shtimë
LVV kryeson pas raundit të parë (2 komuna)
Gjilan
Fushë Kosovë
LDK fituese në raundin e parë (2 komuna)
Istog
Lipjan
LDK kryeson pas raundit të parë (6 komuna)
Dragash
Obiliq
Prishtinë
Viti
Junik
Pejë
PDK fiton në raundin e parë (3 komuna)
Skënderaj
Ferizaj
Hani Elezit
PDK kryeson pas raundit të parë (4 komuna)
Kaçanik
Mitrovicë e Jugut
Prizren
Vushtri
Malishevë– fiton Nisma në raund të parë
Gllogoc– Fiton Ramiz Lladrovci në raund të parë
Discussion about this post