Deputeti I PD-së, Agron Gjekmarkaj, duke komentuar mbajtjen e zgjedhjeve për kreun e kësaj partie në 29 korrik, tha se çështja nuk është që të kemi dy kryetarë, një nga Foltorja dhe një nga PD e vulës, por të bashkohen.
“Sali Berisha në 14 maj morri 510 mijë vota, pa pasur siglën e PD-së. Shumë anëtarë I janë bashkuar Rithemelimit, shumë struktura gjithashtu, atëherë kush do e zgjedhë kryetarin më 29 korrik? Nëse Berisha rri në pozicionin e tij, Basha bën këtë gjënë këtej, ayëherë fati I opozitës në zgjedhjet e ardhshme është I shkruar”, tha Gjekmarkaj.
Ndërsa vlerësoi rolin që po luan Gazment Bardhi për bashkimin, Gjekmarkaj tha se për herë të parë PD duhet të bënte një palë zgjedhje të lira dhe të ndershme, pasi më parë kemi pasur zgjedhje o me kulisa, o të manipuluara, o me kalkulime.
Gjekmarkaj tha se Berisha I ka dhënë demokratëve 13 vite pushtet në 33 vite, ndërkohë që kemi mbështetur Bashën pa rezerva, kemi punuar maksimalisht për të për ta bërë kryeministër, por na çoi në humbje.
Sipas tij, në 29 korrik nuk ka asnjë proces, por gjithçka po kryhet si një biznes privat dhe kjo nuk është legjitime.
Discussion about this post