Deputeti demokrat Bledion Nallbati, një nga ligjvënësit që kundërshton zgjedhjet në PD-në e vulës më 29 korrik, ka paralajmëruar ndërmarrjen e hapave për të parandaluar zhvillimin e një farse, sikundër e quan ai, procesin e rikthimit të Lulzim Bashës në krye të kësaj force.
Nallbati theksoi se nuk ka asgjë personale me Lulzim Bashën, por me procesin, të cilin e konsideron anti-statutor dhe që nuk i shërben aspak demokratëve.
I ftuar në Tirana Live, në ABC News, Nallbati kërkoi reflektimin e të gjithëve, në mënyrë që PD të kthehet në alternativë në 2025.
“Për aq kohë sa konsiderojmë se nuk ka proces, s’ka as garë. Nuk mund të ketëgarë reale në një proces fiktiv. Nuk do qëndrojmë në heshtje, një grup deputetësh me lidhje të fortë me bazën do kontaktojë të gjithë anëtarët e Këshillit Kombëtar, për të marrë mendimin nëse janë apo jo dakord me mënyrë sip o kryhet ky process. Nëse shumica nuk do jetë dakord do kërkojmë mbledhjen e këshillit për të marrë një vendim si do procedojmë me PD. E konsiderojmë proces jo statutor.” u shpreh ai, ndërsa theksoi se për Partinë Demokratike është e nevojshme të ketë një reflektim dhe hapa pas nga persona të caktuar.
Ai tha se pa reflektim, pa një hap pas të të gjithë palëve nuk krijojmë dot sukses.
“Në 2025, nëse hyjmë të ndarë në dy apo tre pjesë, kjo do e zhbënte PD, ky është dëmi i Shqipërisë. PD është një aset kombëtar. Më mënyrën si po kthehet Basha në PD nuk i sjell asnjë të mirë PD. Nuk është betejë e Bashës me deputetët, e ka gabim nëse e mendon kështu. Ne e kemi problemin me procesin. Sot në PD nuk është emergjencë kryetari por unifikimi i faktorit opozitar.” vijoi me tej Nallbati.
Deputeti demokrat theksoi se demokratët duhet sot të ulen për të analizuar pse ndodhen në këtë situatë.
“Duhet të ulemi të bëjmë një analizë, cfarë ka ndodhur ku na ka cuar kjo situatë. Se një parti me nje kryetar, me sigël e vulë, Shqipëria ka 200.” u shpreh ai.
Discussion about this post