Kryetari i Komisionit Zgjedhor të PD, Jemin Gjana ka deklaruar se materialet e votimit për garën e kreut të kësaj force politike që do mbahet me 19 korrik, do të shpërndahen të premten.
Ai është shprehur se procesi është i rregullt dhe se s’do lejohen të marrin pjesë në votim ata që janë angazhuar në një forcë tjetër politike.
Të dielën do të mbahen zgjedhjet për kryetar të Partisë Demokratike, ku për postin e drejtuesit garon Lulzim Basha dhe Gjergji Hani
Në shifrat që Gjana publikoi, u mësua se shifrat janë tkurrur, ndërsa në zgjedhje të drejtën e votës e kanë 25460 anëtarë, nga 75 mijë anëtarë që kishte kjo parti në 2021. Sipas tij pjesa tjetër, që përbën edhe dy të tretat e anëtarësisë i janë bashkuar Rithemelimit të Berishës.
“Miratuam komisionet. Duke qenë se njëri nga kandidatët zoti Hani nuk paraqiti pretendime për të pasur anëtarë të votimit, nuk kemi miratuar asnjë. Ka 71 degë të PD. Në disa prej degëve, në 2-3 raste do të ketë një qendër votimi për më shumë se sa dy degë. Nga verifikimet dhe listat e depozituara, rezulton se në 71 degë të PD janë verifikuar se do të jenë pjesë e listave dhe do të dërgohen 25460 anëtarë të PD. Është një numër për të gjithë procesin që ka ndodhur në këto 2 vite, për faktin se një pjesë e anëtarësisë është angazhuar në strukturat e Rithemelimit. Numri i anëtarëve të verifikuar shkon deri në 2300 anëtarë. Rreth 31 degë janë të verifikuara dhe në 15 degë rezulton një numër me më shumë se 500 anëtarë. U miratua dhe fleta e votimit. Sot lista zyrtare që do të dërgohet, që është miratuar për votim është 25 mijë. Analizat e tjera keni të drejtë që t’i bëni, por unë nuk kam arsye që t‘i komentoj.”, tha ai.
Discussion about this post