Komisioni i Rithemelimit ka njoftuar se ka përfunduar procesi zgjedhor në degët e Gramshit dhe Korçës. Pas numërimit të fletëve të votimit në Korçë u shpall fitues me 48% të votave Devis Osmani.
“Komisioni i Organizimit dhe Kontrollit të Operacioneve Elektorale të Partisë Demokratike njofton që është mbyllur procesi zgjedhor për zgjedhjen e kryetarit në PD Dega Korcë. Pas numërimit të fletëve të votimit, Kryetar i PD Korcë u shpall, ndërmjet 4 kandidaturave, z. Devis Osmani me 48% të votave” – thuhet në njoftimin e Komisionit të Rithemelimit.
Gjithashtu ka përfunduar procesi i numërimit edhe në degën e Gramshit, ku fitues u shpall Kodhel Cala me 38.5% të votave.
“Komisioni i Organizimit dhe Kontrollit të Operacioneve Elektorale të Partisë Demokratike njofton që pas shqyrtimit të materialeve zgjedhore të ardhura nga PD Dega Gramsh, të shpallë Kryetar, ndërmjet 5 kandidaturave, z. Kodhel Cala me 38.5% të votave” – shprehet Komisioni i Rithemelimit.
Discussion about this post