Ka përfunduar numërimi i votave të demokratëve, kryetari i PD Dega 8 Tiranë është zgjedhur Gazment Sallaku. I deleguari i PD-së në Njësinë Nr. 8, Indrit Hoxha në postimin e tij në Facebook, ka zbardhur numërimin, ku Gazmend Sallaku ka marë 207 vota përballë Ylli Subashi i cili ka marrë 108 vota.
“Dega 8 zgjodhi Kryetarin e ri Gazmend Sallaku me 207 vota përballë një demokrati dhe qëndrestari Ylli Subashi me 108 vota. Z.Sallaku ka qene kryetar i degës gjatë periudhës 2009-2011. Rikthimi i demokrateve dhe hapja e partisë është themelore për ringritjen e PD-së, të bashkuar do fitojmë” – shkruan Hoxha.
Gjithashtu mësohet se procesi i votimit për kryetarin e ri të PD-së dega Berat është duke vijuar ende dhe me vendim të komisionerëve procesi do ë përfundojë edhe pas orës 19:00. Ky vendim u mor nga komisionerët së bashku me 4 kandidatët në garë, për shkak se ka ende demokratë që po i drejtohen qendrës së votimit për të shprehur vullnetin e tyre me votë.
Discussion about this post