Zëdhënësi i Ministrisë së Punëve të Brendshme në Maqedoninë e Veriut, Toni Angellovski, ka deklaruar ditët e sotme se ka pasur disa incidente gjatë procesit zgjedhore. Sipas tij, në pak orë policia ka regjistruar 3 incidente, dy në territorin e Kërçovës dhe një në Tetovë.
“Në Kërçovë kemi arrestuar një person – votues, sepse ai e ka shqyer fletëvotimin pasi ka votuar. Kundër këtij personi do të ngitet kallëzim penal. Në rajonin e Kërçovës, kemi kallëzim për fotografim të fletëvotimit dhe MPB punon në zbardhjen e rastit”, tha Angellovski.
Sipas tij, në Tetovë një votuese ka tentuar të votojë pa dokument identifikimi, ose të votojnë familjarisht. “Më saktësisht, ajo ka treguar fotografinë e lejes së vozitjes nga telefoni celular, dhe kjo nënkuptohet që nuk është dokument për identifikim. Pasi që i është thënë se nuk mund të votojë në atë mënyrë, ajo ka treguar sjellje agresive ndaj anëtarëve të Këshillit Zgjedhor dhe MPB punon në zbardhjen e rastit”, tha Toni Angellovski.
Ndër të tjera ai tha se, ka problematika edhe në disa zona të tjera, ku policia ka ndërhyrë menjëherë. Ndërsa i bëri thirrje policisë tëveprojë në çdo shkelje që konstaton.
